Թուրքիայի Անթալիա հանգստավայրի Hestia Resort & Spa 5-աստղանի հյուրանոցում թունավոր գազից ավելի քան 40 մարդ է թունավորվել, այ թվում՝ 11 զբոսաշրջիկ։
Միջադեպը տեղի է ունեցել հյուրանոցի լողավազանի ախտահանման համակարգի անսարքության հետեւանքով։ Քլորը ռեակցիայի մեջ է մտել թթվի հետ, որի հետեւանքով առաջացել է թունավոր գազ։
Դեպքի վայր են ժամանել փրկարարները, որոնք տարհանել են հյուրանոցի հաճախորդներին։ Հյուրանոցի անձնակազմի 30 անդամ եւ 11 զբոսաշրջիկ հոսպիտալացվել են, Milliyet-ի հղումով գրում է «Ինտերֆաքս»-ը։
Գազի արտահոսքը կարգավորել են, եւ զբոսաշրջիկները վերադարձել են իրենց համարները։