ՀՀ վարչապետ Հովիկ Աբրահամյանի ու Վրաստանի վարչապետ Իրակլի Ղարիբաշվիլիի միջև հեռախոսազրույց է տեղի ունեցել: Այս մասին NEWS.am-ի թղթակցի հետ զրույցում ասաց վարչապետի մամուլի քարտուղար Գոհար Պողոսյանը:
Հեռախոսազրույցի ընթացքում անդրադարձ է եղել ՀՀ ԱԺ նախագահ Գալուստ Սահակյանի ու Հարավային Օսիայի խորհրդարանի նախագահ Անատոլի Բիբիլովի հանդիպմանը, որի կապակցությամբ ՀՀ վարչապետը արձանագրել է վերջինիս մասնավոր բնույթը և հանդիպման ընթացքում քաղաքական դիրքորոշումների շուրջ քննարկումների բացակայության փաստը: ՀՀ վարչապետը վերահաստատել է Հայաստանի քաղաքական դիրքորոշումների անփոփոխությունը և Վրաստանի հետ բարեկամական կապերի զարգացման նպատակաուղղվածությունը: