Մայիսի 4-ին, ժամը 21.50-ին, ոստիկանության Մուշի բաժնի ծառայողները, թմրամիջոց պահելու եւ պատրաստելու կասկածանքով, Գյումրիի Կարեն Դեմիրճյան փողոցի տնակներից մեկից բերման են ենթարկել 1973 թ. ծնված Աշոտ Մ.-ին, 1966 թ. ծնված Արմեն Ղ.-ին, 1961 թ. ծնված Տիգրան Ս.-ին, 1953 թ. ծնված Սուրեն Հ.-ին եւ 1962 թ. ծնված Հարություն Կ.-ին:
Զննությամբ նշված տնակից հայտնաբերվել եւ առգրավվել է 1 լ տարողությամբ պլաստմասսե 4 տարա` սպիտակավուն նստվածքներով, 1 լ տարողությամբ պլաստմասսե տարա` դեղնավուն լուծույթի նստվածքով, 20 մլ տարողության օգտագործած 4 ներարկիչ, յոդի դատարկ սրվակ, «պիրալգին» տեսակի դեղամիջոցի դատարկ տուփ:
Աշոտ Մ.-ն հայտնել է, որ թմրամոլ է, հայտնաբերվածը «պիրալգին» դեղամիջոցից պատրաստված թմրամիջոց է, որը պատրաստել է իր եւ ընկերների համար՝ ներարկվելու միջոցով օգտագործելու համար:
Նշանակվել է դատաքիմիական փորձաքննություն:
Կատարվում է հետաքննություն: