Ռուսաստանը նախկինի պես մտադիր չէ Եվրամիության հետ քննարկելու պատժամիջոցները հանելու տարբերակները, հայտարարել է ՌԴ ԱԳ նախարար Սերգեյ Լավրովը Ավստրիայի ԱԳ նախարար Սեբաստիան Կուրցի հետ հանդիպումից հետո։
«Ես պատժամիջոցները հանելու հարցում Ավստրիայի աջակցության որեւէ հույս չեմ քննարկել իմ գործընկերոջ հետ, որեւէ խնդրանք այդ հարցում, իհարկե, չեմ հայտնել։ Որոշ գործընկերներ փորձեցին մեզ ներքաշել պատժամիջոցների չեղարկման չափորոշիչների քննարկման մեջ, բայց մենք դա չենք անելու։ Պատժամիջոցները մեր որոշումը չեն»,- ասել է Լավրովը, հաղորդում է ՏԱՍՍ-ը։
