Եթե պետությունը պատրաստվում է հարկեր գանձել արտերկիր մեկնող սեզոնային աշխատողներից, թող նրանց նորմալ սոցփաթեթ տա։ Այդ մասին խորհրդարանում հայտարարել է ՀՅԴ-ական պատգամավոր, ֆինանսավարկային հանձնաժողովի փոխնախագահ Արծվիկ Մինասյանը՝ մեկնաբանելով «Եկամտահարկի մասին» օրենքում արվող փոփոխությունները։
Օրինագիծն առաջարկում էր 13 տոկոս հարկ սահմանել արտերկրում աշխատող քաղաքացիների համար, բայց միայն պայմանագրով աշխատողների։ Խոսքը այն ընկերությունների մասին է, որ աս կամ այն աշխատանքն են անելու օտարերկրյա տենդերներով։ Բնական է, որ խոսքն առաջին հերթին Ռուսաստանում շինարարական տենդերների մասին է։
«Եթե մարդը մեկնում է Ռուսաստան՝ իրեն եւ ընտանիքին ռիսկի ենթարկելով, իսկ մենք նրանից հարկ ենք գանձում, պետք է որոշակի իրավունքներ տանք, այդ թվում՝ բժշկական ապահովագրության։ Այդ մարդիկ իրենց ընտանիքների կերակրողներն են»,- ամփոփել է պատգամավորները։