Մեծ Բրիտանիայի Եղիսաբեթ 2-րդ թագուհին ժամանել է Քենսինգթոնյան պալատ՝ ծանոթանալու արքայազն Ուիլյամի նորածին դստեր՝ արքայադուստր Շառլոթի հետ: Այս մասին գրում է ՌԻԱ Նովոստին:
Բրիտանական հեռուստաալիքներն ուղիղ հեռարձակմամբ ցուցադրում են թագուհու ժամանումը:
Հիշեցնենք, որ արքայազն Ուիլյամի եւ Քեմբրիջյան դքսուհի Քեյթի դուստրը ծնվել է մայիսի 2-ին: Նախօրեին Քեմբրիջյան դքսի եւ դքսուհու մամուլի ծառայությունը հայտարարել էր, որ փոքրիկին Շառլոթ Եղիսաբեթ Դիանա են կոչել:
Եղիսաբեթ 2-րդ թագուհին ծոռնուհու ծնունդը նշանավորել է վառ վարդագույն զգեստով:
