Մոսկվան հույս ունի, որ Եվրամիությունը կոնկրետ քայլեր կձեռնարկի ԵՏՄ գործադիր կառույցների հետ աշխատանքային կապեր հաստատելու համար։ Այս մասին հայտարարել է ՌԴ արտգործնախարար Սերգեյ Լավրովը Handelsblatt պարբերականին տված հարցազրույցի ժամանակ։
Ռուս նախարարը նշել է, որ Ռուսաստանի եվրոպացի գործընկերները առավել ընկալունակ են դառնում Եվրոպա աշխարհամասում ինտեգրացիայի ներդաշնակության գաղափարի նկատմամբ։
«Որպես առաջին քայլ՝ խոսքը վերաբերում է ԵՄ-ի եւ ԵՏՄ-ի միջեւ անմիջական կապ հաստատելուն։ Այդ քայլը դիտարկում ենք որպես Ատլանտիկայից Խաղաղ օվկիանոս ձգվող տնտեսական եւ հումանիտար միասնական տարածք ստեղծելու ուղու կարեւոր կետ»,- ասել է Լավրովը, մեջբերում է «ՌԻԱ Նովոստի»-ն։
Նրա խոսքով՝ ԵՄ-ի եւ ԵՏՄ-ի միջեւ մերձեցման համար կան անհրաժեշտ նախադրյալները, այդ թվում՝ տնտեսությունների փոխլրացումը եւ առեւտրի միասնական կանոններին հետեւելը։ Լավրովը հույս ունի, որ ԵՄ կառույցները կոնկրետ քայլեր կձեռնարկեն ԵՏՄ գործադիր կառույցներ հետ աշխատանքային անմիջական կապեր հաստատելու համար։