Ռուսական գազ սպառող թուրքական մասնավոր ընկերությունները գոհ չեն մնացել «Գազրպոմի» հետ տարվող բանակցությունների արդյունքից, որոնց ավարտին գազի գինը թուրքական ընկերությունների համար զեղչով հանդերձ ավելի բարձր է մնացել, քան Ուկրաինայի եւ Գերմանիայի համար, փոխանցում է «ՌԻԱ Նովոստի»-ն՝ վկայակոչելով Թուրքիայում իր աղբյուրները։
Ապրիլի վերջին «Գազպրոմի» եւ թուրքական Enerco Enerji, Avrasya gaz, Akfel gas
Bosphorus gas, Shell, Bati Hatti եւ Kibar Enerji ընկերությունների միջեւ բանակցություններն ավարտվել էին, եւ արդյունքում թուրքական ընկերությունները կարողացել էին ռուսական գազի դիմաց «Գազպրոմից» զեղչ ստանալ։
Ինչպես գրում է «Կոմերսանտը», այս եւ այլ թուրք ներկրողները ստիպված էին 1000 խ/մ ռուսական գազի դիմաց վճարել 374 դոլար։ Այժմ տարվա առաջին եռամսյակի համար այդ գինը կվերահաշվարկվի 300 դոլարից պակաս սակագնով, իսկ երկրորդ եռամսյակում այն կկազմի 260 դոլար։
Եվս մեկ փոփոխություն է դառնալու 2014թ. գործող ֆիքսված գնից անցումը նավթային ինդեքսացիայի, գրում է «ՌԻԱ Նովոստի»-ն։