Աֆղանստանում դատարանը մահապատժի է դատապարտել 4 տղամարդկանց՝ ծեծելով կնոջը մահվան հասցնելու համար: Նրանք կնոջը ծեծելով սպանել էին Ղուրանն այրելու համար:
Այս տարվա մարտի 18-ին, Ֆարհունդա անունով 28-ամյա կնոջը բռնությամբ դուրս են բերել մզկիթից, որից հետո կատաղած ամբոխը ծեծելով սպանել է նրան, ապա այրել մարմինը, հաղորդում է BBC-ի ռուսական ծառայությունը:
Ավելի ուշ ականատեսները հայտարարել են, որ Ղուրանն այրելու մեղադրանքները կեղծ են եղել: Կնոջ մահը զանգվածային բողոքի ակցիաների է հանգեցրել, որոնց մասնակիցները կոչ են արել ուշադրություն դարձնել Աֆղանստանում կանանց նկատմամբ վերաբերմունքին:
Այս գործով, ընդհանուր առմամբ, անցնում է 49 մարդ: