Ոստիկանության Վաղարշապատի բաժնի ծառայողներն օրերս Էջմիածին քաղաքի Մաշտոցի փողոցում գտնվող ռեստորանային համալիրի դիմացից, «Քրայսլեր» մակնիշի ավտոմեքենայով, բաժին են ներկայացրել 27-ամյա Արմեն Հ.-ին, ով հայտնել է, որ չունի ավտոմեքենայի համապատասխան փաստաթղթեր եւ որ մեքենան պատկանում է 27-ամյա Արթուր Ա.-ին:
Ոստիկանության մամուլի ծառայությունից հայտնում են, որ Արթուր Ա.-ն հրավիրվել է բաժին եւ ավտոմեքենայի սրահից ներկայացրել օդաճնշիչ ատրճանակ` փամփշտատուփով, առանց փամփուշտների, եւ գաղտնի փականով ծալովի դանակ ու հայտարարել, որ դրանք պատկանում են իրեն:
Նշանակվել է դատաձգաբանական եւ դատաքրեագիտական փորձաքննություն:
Կատարվում է հետաքննություն: