Ադրբեջանի փոխվարչապետ Ալի Հասանովը դժգոհ է ԵԱՀԿ Մինսկի խմբի համանախագահներից: «ԵԱՀՄ Մինսկի խմբի համանախագահող երկրները՝ ԱՄՆ-ը, Ֆրանսիան ու Ռուսաստանը, վերջին 20 տարում ոչինչ չեն արել ԼՂ հակամարտությունը կարգավորելու համար»,-հայտարարել է ադրբեջանցի պաշտոնյան՝ ելույթ ունենալով «Մեծ առաջնորդ Հեյդար Ալիեւ. Ժամանակակից ադրբեջանական պետության հիմնադիր» անվանումով կոնֆերանսի ժամանակ:
Հասանովի խոսքով, Ադրբեջանի միակ չկարգավորված խնդիրը ԼՂ հակամարտությունն է:
«Մեր ներկա խնդիրների մեղավորները Ռուսաստանը, ԱՄՆ-ը եւ Ֆրանսիան են: Իմ քննադատությունը վերաբերում է ոչ թե ժողովուրդներին, այլ այդ երկրների պաշտոնատար անձանց»,-ասել է Հասանովն ու հավելել, որ ԱՄՆ-ը, Ռուսաստանն ու Եվրոպան փորձում են թույլ չտալ երեք մահմեդական երկրների՝ Ադրբեջանի, Թուրքիայի եւ Իրանի մերձեցում:
Հասանովը նկատել է, որ ԼՂ խնդիրը ստեղծել է Խորհրդային Միությունը՝ Գորբաչեւի, ապա Ելցինի գլխավորությամբ, եւ մինչ օրս չի լուծված: Նրա խոսքով, Հայաստանի ներկա ռեժիմի հաստատման գործում մեծ է Ռուսաստանի դերը:
Հիշեցնենք, որ Ալի Հասանովը մի շարք «կարկառուն» մտքերի հեղինակ է: Մասնավորապես նա կոչ էր արել բոլոր ադրբեջանցիներին շարունակել պայքարը հայերի դեմ:
