Լեռնային Ղարաբաղը գործում է աշխարհի բոլոր պետությունների նման եւ իրականում ժողովրդավարական երկիր է: Այս մասին, այսօր՝ մայիսի 6-ին, մամուլի ասուլիսի ժամանակ նշել է Քալիֆորնիայի Սանտա Քրուզ շրջանային վարչակազմի աշխատակից Գեյլ Փելերին:
Անդրադառնալով ԼՂ միջազգային ճանաչման խնդրին, նա նկատել է. «Որքան շատ ամերիկյան նահանգներ ճանաչել ԼՂ անկախությունը, այնքան մեծ կլինի հավանականությունը, որ մենք կարող ենք համոզել ԱՄՆ կառավարությանը նման դիրքորոշում որդեգրել»:
Գեյլ Փելերին ընդգծել է, որ Ղարաբաղն ունի ղեկավարություն, լավ գործող ընտրական համակարգ: «Նրանք ընտրական գործընթացը բարելավելու ուղիներ են որոնում: Դա օգնում է ԼՂ բնակչությանը համոզել մյուսներին, որ իրենք իրականում անկախ պետություն են»,-ամփոփել է Փելերին: