Ֆրանսիայի խորհրդարանի պատգամավոր, Դրանսիի քաղաքապետ։ Ժան Քրիստոֆ Լագարդը եւ պատգամավոր, Շարտրի քաղաքապետ Ժան Պիեռն այսօր՝ մայիսի 6-ի երեկոյան, Դրանսիում նացիստական նախկին համակենտրոնացման ճամբարում հուշարձանի մոտ 20-րդ դարի ցեղասպանությունների զոհերի հիշատակին նվիրված արարողություն կանցկացնեն: Այս մասին գրում է «Nouvelles d'Arménie» ամսագիրը:
Միջոցառման ժամանակ Դրանսիի վարչակազմի խորհրդի անդամ Թոմ Զեմետին ՄԱԿ-ի գլխավոր քարտուղարին ուղղված ուղերձ կկարդա՝ նվիրված նացիստական մահվան ճամբարների ազատագրման 70-ամյակին:
Քաղաքի վարչակազմի խորհրդի մեկ այլ անդամ՝ Կլեմենտին Մականգիլը կկարդա Դրանսիի վերչական խորհրդի կողմից ընդունված բանաձեւը՝ նվիրված Հայոց ցեղասպանության 100-րդ տարելիցին: