Հայաստանի ՏԿԱԻՆ-ում, այսօր՝ մայիսի 6-ին, ժամը 12.09-ին ահազանգ է ստացվել, որ Երևանի Աճառյան փողոցում՝ Առինջ գյուղի կամարի մոտակայքում, տեղի է ունեցել ավտովթար, կա տուժած. անհրաժեշտ է փրկարարների օգնությունը:
Դեպքի վայր է մեկնել երկու մարտական հաշվարկ:
Պարզվել է, որ «Ֆոլքսվագեն Ջետտա» մակնիշի 34 NV 813 համարանիշի ավտոմեքենան (վարորդ` Ա. Ա., ծնվ. 1949թ.) դուրս է եկել ճանապարհի երթևեկելի մասից և բախվել ճամփեզրին կայանված «ԶԻԼ» մակնիշի 43 LS 588 համարանիշով ավտոմեքենային (վարորդ` Ռ. Օ., ծնվ. 1960թ.):
«Ֆոլքսվագեն Ջետտա» մակնիշի ավտոմեքենայի վարորդ Ա.Ա.-ն տարբեր աստիճանի մարմնական վնասվածքներով հոսպիտալացվել է «Սրբ. Գր. Լուսավորիչ» բժշկական կենտրոն, որտեղ տուժածի առողջական վիճակը գնահատվել է միջին ծանրության:
Հրշեջ-փրկարարները հոսանքազրկել են ավտոմեքենան և փակել գազի բալոնի փականը: