Ավստրիայում իրար են բախվել քաղաքային երկու գնացքներ, որի հետեւանքով տուժել է 10 մարդ: Այս մասին, հաղորդում է The Local-ը՝ վկայակոչելով վթարային ծառայությունների իր աղբյուրը:
«Ընդհանուր առմամբ, լուրջ վնասվածք է ստացել 10 մարդ: Մեքենավարներից մեկը մինչեւ այժմ էլ գտնվում է գնացքի մեջ: Մենք աշխատում ենք նրան դուրս բերելու ուղղությամբ, նրա վիճակը ծայրահեղ ծանր է»,-նշել է հրշեջ ծառայության մամուլի քարտուղարը, հաղորդում է Gazeta-ն:
Նշվում է, որ միջադեպը տեղի է ունեցել Ավստրիայի հարավ-արեւելքում գտնվող Գրաց քաղաքում: