Ընդառաջելով ԱՄՆ Արեւելյան Թեմի առաջնորդ Գերշ. Տ. Օշական Արք. Չոլոյանի եւ Ազգային Վարչության հրավերին, այսօր՝ մայիսի 6-ի առավոտյան, Մեծի տանն Կիլիկիո կաթողիկոս Արամ Ա-ն Հովվապետական այցով մեկնել է ԱՄՆ:
Նա կայցելի Վաշինգթոնի Նյու Ջերսիի, Ֆիլադելֆիայի, Նյու Յորքի, Բոսթոնի, Դեթրոյթի, Չիկագոյի եւ այլ շրջանների համայնքներ ու իր Հայրապետական պատգամը կփոխանցի տեղի հայությանը:
Հայկական համայնքներ այցելությանը զուգահեռ, Նորին Սրբությունը մի շարք միջեկեղեցական եւ քաղաքական հանդիպումներ կունենա: Հովվապետական այցելության առաջին հանգրվանը կլինի Վաշինգթոնում, որտեղ Վեհափառ Հայրապետը նաեւ ներկա կգտնվի 100-ամյակին առիթով կազմակերպված ձեռնարկներին: