Հայաստանի հանրային ծառայությունները կարգավորող հանձնաժողովը հաստատել է Հայաստան-Վրաստան էլեկտրահաղորդակցման լարերի շինարարության վարկերի վերադարձի կարգը։ Այս մասին համապատասխան որոշումն ընդունվել է մայիսի 6-ին՝ Հայաստանի հանրային ծառայությունները կարգավորող հանձնաժողովի նիստում։
105 մլն եվրո ընդհանուր արժողությամբ շինարարության որոշումը կայացվել էր գերմանական KfW բանկի տրամադրած 85.2 մլն եվրո վարկեի շրջանակներում։
Նախատեսվում է 500/400/220 կՎ մշտական լարումով կայան կառուցել, որը Հայաստանի եւ Վրաստանի էներգոհամակարգերը մեկուսացված ռեժիմից կփոխադրի զուգահեռ ոչ սինխրոն աշխատանքային ռեժիմի, ինչը կհեշտացնի նրանց միջեւ էներգիայի հոսքը։
Վարկերի վերադարձը պետք է ապահովվի «Հայաստանի բարձրավոլտ ցանցեր» պետական ՓԲԸ էլեկտրաէներգիայի փոխադրման սակագնի հաշվին։ Գիծը կհանձնեն նրանց հաշվեկշռին։
«Շինարարության համար միջոցները կտրամադրի Գերմանական KfW բանկը»,- հայտարարեց «Հայաստանի բարձրավոլտ ցանցերի» աշխատակիցներից մեկը։ «Դա այդպես հպարտ մի՛ ասեք։ Դա հո նվեր չէ։ Վարկը վերջին հաշվով պետք է վերադարձնի մեր սպառողը»,- պատասխանել է Հանրային ծառայությունները կարգավորող հանձնաժողովի նախագահ Ռոբերտ Նազարյանը։