Ճանաչված Grim Fandango քվեսթ-խաղը, որի օրիգինալ տարբերակը թողարկվել է 1998 թվականին, գոյություն ունի նաեւ սմարթֆոնների եւ պլանշետների համար տարբերակով: Այն կարելի է ներբեռնել արդեն հիմա:

Առաջին շաբաթվա ընթացքում հավելվածների խանութներում խաղը 9.99 դոլար արժեր, բայց հետո թանկացել է՝ հասնելով 14.99 դոլարի: Ավելի վաղ հաղորդվում էր Grim Fandango խաղի՝ Windows-ի, Mac OS X-ի, PS Vita-ի եւ PlayStation 4-ի համար տարբերակների վերաթողարկման մասին:

Ըստ Gazeta-ի, խաղի գործողությունները տեղի են ունենում մեքսիկական մեռյալների աշխարհում: Գլխավոր հերոսը տուրիստական գործակալ Մանուել Կալավերան է, որը պետք է լուծի անդրաշխարհի հանելուկները եւ լինի դրա տարբեր անկյուններում: