Թուրքիան ԵՄ քաղաքացիական պաշտպանության մեխանիզմին միանալու համաձայնագիր է ստորագրել։ Այս մասին ասված է Եվրահանձնաժողովի կոմյունիկեում։
Համաձայնագիրը ստորագրվել է ճգնաժամների կառավարման եւ հումանիտար օգնության եվրահանձնակատար Քրիստոս Ստիլիանիդիսի եւ Թուրքիայի արտակարգ իրավիճակների եւ բնական աղետների գործակալության ղեկավար Ֆուաթ Օքթայի միջեւ։
«Թուրքիան կդառնա բնական աղետներին նախապատրաստվելու մեր ընդհանուր նպատակի արժեքավոր գործընկերը»,- մեջբերում է «ՌԻԱ Նովոստի»-ն Քրիստոս Ստիլիանիդիսի հայտարարությունը։
Մեխանիզմը ուղղված է բնական աղետների հետեւանքները վերացնելու ոլորտում համագործակցության խորացմանը։ Մեխանիզմի անդամ են հանդիսանում ԵՄ 28 երկրները, Մակեդոնիան, Իսլանդիան, Նորվեգիան եւ Չեռնոգորիան։
