«Ուկրաինսկայա Պրավդա»-ն «ամենահարուստ եւ ամենաաղքատ պատգամավորների» վարկանիշ է կազմել: Պարբերականը հարուստ է համարել այն պատգամավորներին, որոնց եկամուտը 2014 թվականին ավելի քան 10 մլն գրիվնա է եղել: Այդքան եկամուտ է ունեցել Գերագույն Ռադայի 22 պատգամավոր: Իսկ աղքատ են ճանաչվել ուկրաինական այն պատգամավորները, որոնք եկամուտը տարեկան 20 հազար գրիվնայից պակաս է եղել: Այդպիսիք, ըստ պարբերականի, Ռադայում ընդամենը 20-ն են:

Ամենահարուստ պատգամավորը Վիտալի Խոմուտիննիկն է: Նրա եկամուտը 2014 թվականին կազմել է 293 մլն գրիվնա: Վարկանիշի երկրորդ հորիզոնականում «Ընդդիմադիր բլոկ» խմբակցության պատգամավոր Վադիմ Նովինսկին է, որն անցյալ տարի 209 մլն գրիվնա է վաստակել: Նովինսկին «Սմարթ հոլդինգի» սեփականատերն է, Ռինատա Ախմետովայի գործընկերը: Իսկ «Պան Կուրչակ» գյուղարդյունաբերական խմբի հիմնադիր Սերգեյ Մարտինյակի եկամուտն անցյալ տարի 96 մլն գրիվնա է կազմել:

Ռադայի «հարուստներից» են նաեւ Սերգեյ Տարուտան, Իվան Ֆուրսինը՝ 30 մլն գրիվնա եկամուտով, ինչպես նաեւ Ուկրաինայի նախագահի աջ ձեռքը՝ Իգոր Կոնոնենկոն՝ 15 մլն գրիվնայով:

Աղքատ պատգամավորների շրջանում բացարձակ ռեկորդակիր է Յարոսլավ Լեսյուկը: 2014 թվականին նա ոչինչ չի վաստակել: «Ես եկամուտ չեմ ունեցել: Պատգամավոր են դարձել միայն փետրվարին, այդ պատճառով հայտարարագրի կազմման ժամանակ ոչինչ չեմ ստացել»,- ասել է նա:

2014 թվականին եկամտի նվազագույն մակարդակ է արձանագրել նաեւ «Դոնբաս» դասակի հրամանատար Սեմյոն Սեմյոնչենկոն: Մեկ տարվա ընթացքում նա 13 հազար գրիվնայից քիչ ավելի է վաստակել: