Ամերիկյան Էյվոն Փարք (Ֆլորիդայի նահանգ) քաղաքի բնակչուհին, որը հայտնվել էր իր զուգընկերոջ մոտ պատանդի վիճակում, կարողացել է ոստիկանություն կանչել համացանցում պիցցայի առաքման հավելվածի օգնությամբ, հաղորդում է ABC News-ը:
Հեռուստաալիքի փոխանցմամբ, 25-ամյա Շերիլ Թրեդուեյից բացի բնակարանում եղել են նաեւ նրա երեք երեխաները: Նրանց հայրը՝ 26-ամյա Էթան Նիքերսոնը, Վիճաբանությունից հետո կնոջ ձեռքից վերցրել է հեռախոսն ու սպառնացել դանակով: «Կինը ողջ օրը գտնվել է պատանդի կարգավիճակում»,-ասել են ոստիկանությունում:
Մի քանի ժամ պատանդի կարգավիճակում մնալուց հետո, Թրեդուեյը վկայակոչելով երեխաների քաղցածությունը, կարողացել է համոզել Նիքերսոնին պիցցա պատվիրել:
Պատվերի մեջ կինը նաեւ գրել է. «911, պատանդ, օգնեք»: Հաստատության աշխատակիցները նկատել են հաղորդագրությունն ու ոստիկանություն կանչել: «Ես այստեղ աշխատում եմ 28 տարի եւ երբեւէ նման բան չեմ տեսել»,-ասել է պիցցերիայի մենեջեր Քենդի Հեմ,իլթոնը, հաղորդում է Lenta-ն:
Երբ իրավապահները ժամանել են դեպքի վայր, Թրեդուեյը երեխաներից մեկի հետ հաջողվել է փախչել, իսկ մյուս երկու երեխաները մնացել են հոր հետ: Բանակցությունների արդյունքում հաջողվել է Նիքերսոնին համոզել երեխաներին բաց թողնել եւ հանձնվել ոստիկանությանը:
Տղամարդուն առեւանգման, զինված հարձակման, ինչպես նաեւ արդարադատությանը խոչընդոտելու մեղադրանքներ են ներկայացվել: