Հնդկաստանի արեւելյան Արեւմտյան Բենգալիա նահանգում պիրոտեխնիկայի գործարանում պայթյուն է տեղի ունեցել, որի հետեւանքով մահացել է 11, վիրավորվել 8 մարդ: Այս մասին հաղորդում է ԻԱՆՍ գործակալությունը:
«Տուժածներին ծանր վիճակում տեղափոխել են հիվանդանոց, զոհերի թիվը կարող է աճել»,-նշել է շրջանի ոստիկանության պետ Բհարատի Գոշը, հաղորդում է ՏԱՍՍ-ը:
Պայթյունի պատճառները դեռ անհայտ են: Ձեռնարկության սեփականատեր Ռաջան Մայտին, տեղեկանալով պայթյունի մասին, թաքնվել է: Նրան որոնում է ոստիկանությունը:
Տեղի բնակիչներից ոմանք նշում են, որ պայթյունի պահին գործարանում չափից ավելի շատ մարդ է եղել: