Չիլիի նախագահ Միշել Բաչելետը մայիսի 6-ի երեկոյան հայտարարել է, որ խնդրել իր երկրի կառավարությանը է հրաժարական տալ։

Չիլիի կառավարության անդամները ենթակա են երկրի նախագահին, որը սեփական որոշմամբ նշանակում է նախարարներին եւ ազատում նրանց զբաղեցրած պաշտոններից։

«Ես իմ բոլոր նախարարներին խնդրել եմ հրաժարական  տալ։ Ինձ 72 ժամ է պետք, որպեսզի կողմնորոշվեմ, թե ով է մնալու, իսկ ով՝ ոչ»,- հայտարարել է Բաչելետը Canal 13-ի եթերում։

Նախագահի խոսքով՝ ինքը պետք է գնահատի երկրի կառավարման արդյունավետությունը, որպեսզի կողմնորոշվի, թե ով է զբաղեցնելու հետագայում նախարարական պաշտոնները, գրում է «ՌԻԱ Նովոստի»-ն։