Թաիլանդի հարավում, խիտ բնակեցված Պհուկետ կղզուց ոչ հեռու 4,7 մագնիտուդով երկրաշարժ է տեղի ունեցել, որը տեղի բնակիչների մոտ անհանգստություն է առաջացրել, նրանք շտապել են լքել իրենց տները: Զոհերի ու ավերածությունների մասին տեղեկություններ չեն ստացվել:
Թաիլանդի սեյսմոլոգիական բյուրոյի տեղեկատվության համաձայն, ստորերկրյա ցնցումներն արձանագրվել են տեղի ժամանակով 00.30-ի սահմաններում: Երկրաշարժի էպիկենտրոնը գտնվել է Անդամանի ծովում: Սա թվով երրորդ երկրաշարժն է վերջին մեկ օրվա ընթացքում: Առաջին երկրաշարժը եղել է 4,6 մագնիտուդով, երկրորդը՝ 3,2 մագնիտուդով, հաղորդում է ՏԱՍՍ-ը:
