Մինչեւ 2018. Զանգեզուրի պղնձամոլիբդենային կոմբինատի պոչամբարները վերամշակելու համար նախատեսվում է ներդնել 273,5 մլն դոլր։ Այս մասին ասված է «Ողջիի, Փխրութի, Արծվանիկի պոչամբարներում կուտակված արդյունաբերական թափոնների, ինչպես նաեւ «Զանգեզուրի պղնձամոլիբդենային կոմբինատ» ՓԲԸ գործունեության հետեւանքով թափոնների վերամշակման ներդրումային ծրագրի» մասին օրինագծի գրավոր հիմնավորման մեջ։ Օրինագիծը հավանություն է ստացել մայիսի 7-ին կայացած Կառավարության նիստում։
«Ալյոտիգ» մասնավոր ՍՊԸ –ի հետ ներդրումների մասին համաձայնագիրը արձանագրվել էր 2014թ. հոկտեմբերի 16-ի հուշագրում։ «Զանգեզուրի պղնձամոլիբդենային կոմբինատի» թափոններն արդեն հասնում են 300 մլն տոննայի եւ տարեկան աճում են 18-20 մլն տոննայով։ Դրանք ինչ-որ կերպ գործածելու համար ներդնողը կկառուցի 12.5 մլն տոննա վերամշակման հզորությամբ գործարան։ Պլանավորվում է նաեւ ստեղծել տարեկան 10 հազար տոննա ոչ մետաղական թափոններ վերամշակող գործարան։
Ծրագրի առաջի փուլում պլանավորվում է ստեղծել շուրջ հազար մշտական եւ 500 ժամանակավոր աշխատատեղ։ Պլանավորվում է ազատել 400-450 հա գյուղական հողատարածք։
