Ղարաբաղա-ադրբեջանական շփման գծում իրավիճակը հանգիստ է, հակառակորդի կողմից սադրանքների փորձեր չկան: Այս մասին այսօր՝ մայիսի 7-ին, լրագրողների հետ զրույցում ասաց ՀՀ պաշտպանության նախարար Սեյրան Օհանյանը, որը Երեւանի պետական բժշկական համալսարանում մասնակցում էր ռազմաբժշկական ֆակուլտետում թանգարանի բացման արարողությանը:
«Սահմանին հանգիստ է, ինչը երկու հանգամանքներով է պայմանավորված: Առաջինը՝ Ադրբեջանի քաղաքական վիճակն է, երկրորդը՝ հակառակորդը հասկացել է, որ պետք չէ նման կերպ գործել»,- ասաց նախարարը՝ նշելով, որ պաշտպանության բանակը պատրաստ է ցանկացած պահի հակահարված տալու հակառակորդին: