Թուրքիայի նախկին նախագահ Աբդուլլահ Գյուլը պատասխանել է նախագահ Ռեջեփ Թայիփ Էրդողանի այն հայտարարությանը, թե ժամանակին ինքը սխալ է արել, որ գնացել է Երեւան։
Թուրքական Sozcu պարբերականի փոխանցմամբ՝ Թուրքիայի նախկին նախագահ Աբդուլլահ Գյուլը ուրաբօրյա նամազից դուրս գալուց հետո պատասխանել է լրագրողների հարցերին՝ անդրադառնալով նաեւ ներկայիս նախագահի՝ իրեն ուղղված քննադատությանը։
Գյուլը նշել է, թե հավանաբար Էրդողանի խոսքը սխալ է հասկացվել, քանի որ դրա մասին հայտարարել է Էրդողանի հետ հանդիպած պատմաբանը։
Նշենք, որ Թուրքիայի նախագահ Ռեջեփ Թայիփ Էրդողանը Ցեղասպանության ժխտման նոր քաղաքականություն որդեգրելու համար հանդիպել էր թուրք գիտնականների հետ։ հանդիպումից հետո թուրք պատմաբաններից մեկը լրագրողներին հայտնել էր, թե Էրդողանը հայտարարել է, թե սխալ է համարել, որ ժամանակին Գյուլը գնացել է Երեւան՝ հայերի ձեռքը հաղթաթուղթ տալով։