Scania եւ Iveco ընկերություններն այսօր նոր ինքնաթափեր են ներկայացրել, որոնք բարդ քարհանքերում աշխատելու առանձնահատուկ տեխնիկական բնութագրեր ունեն. Scania G480 CB10x4EHZ եւ G440 CB8x8EHZ, Iveco Astra HD9 84.44 եւ HD9 86.44: Չորս նոր ավտոմեքենաների մասին տեղեկությունը հաղորդել են ընկերությունների գործարանների ներկայացուցիչները:
Հայտնի է, որ Scania G480 մոդելը Եվրո-4 ստանդարտին համապատասխան դիզելային շարժիչ ունի՝ 480 ձիաուժ հզորությամբ: Նորույթը, մշակողների խոսքով, կարող է արդյունավետ աշխատել նույնիսկ ցածր ջերմաստիճանում:
Քարհանքերում աշխատելու համար հարմար է Scania G440 մոդելը՝ 440 ձիաուժ հզորությամբ շարժիչով: Այն նախատեսված է մեծածավալ քարաժայռերի փոխադրման համար՝ 30 տոննա ծավալով:
Ըստ Informing-ի, ավելի մեծ բեռնափոխադրման հնարավորություն ունի Iveco-ն, որը կարող է մի անգամից մինչեւ 32 տոննա բեռ փոխադրել: Նոր Iveco-ները Cursor 13 շարժիչներ են ստացել՝ 410-ից մինչեւ 560 ձիաուժ հզորությամբ:
Արտադրողները հույս ունեն, որ նորույթները մեծ պահանջարկ կունենան ռուսական շուկայում: