Հայաստանի ռազմաարդյունաբերական համալիրի որոշ ապրանքներ արդեն դուրս են եկել համաշխարհային շուկաներ: Այս մասին այսօր՝ մայիսի 13-ին, ԱԺ-ում «Նորարարական տեխնոլոգիաների զարգացման հեռանկարները ՀՀ զինված ուժերում» թեմայով լսումների ժամանակ նշել է ՀՀ պաշտպանության փոխնախարար Ալիկ Միրզաբեկյանը:
«Մենք գրավել ենք որոշակի ուժեղ դիրքեր, շուկայում մենք տեսանելի ենք, մեզ ճանաչում են: Իսկ սեփական կարիքների համար մենք մեծացնում ենք ներքին պատվերները, եւ մեր ռազմական արդյունաբերությունը պատրաստ է դրանք ընդունել ու կատարել»,-նշել է փոխնախարարը:
