Հայաստան ապրանք ներկրելու ռեժիմը եւս 3 տարի անփոփոխ կմնա։ Այս մասին մայիսի 14-ին ՀՀ կառավարությունում կայացած ճեպազրույցի ժամանակ, պատասխանելով NEWS.am-ի թղթակցի հարցին, ասաց ԵՏՀ կոլեգիայի անդամ, առեւտրի նախարար Անդրեյ Սլեպնեւը։
Զուգահեռ ներմուծման հարցում Հայաստանի համար առաջիկա 3 տարիների ընթացքում ոչինչ չի փոխվի։ «Մանրամասները շատ են, դրանք դեռ մշակվում են»,- հավելեց Սլեպնեւը։
Նշենք, որ, ի թիվս այլ հարցերի, քննարկվել է նաեւ զուգահեռ ներկրման հարցը (առաքողների համար զուգահեռ աշխատանքի հնարավորություն ոչ միայն իրենց երկրում, այլ նաեւ ԵՏՄ մյուս երկրներում)։ Ռուսական ընկերությունները՝ որպես առավել խոշորներ, կարող են մասշտաբների առումով առավելություն ստանալ։