Հռոմի Պապ Ֆրանցիսկոսն այսօր՝ մայիսի 17-ին, սրբադասել է 19-րդ դարի երկու պողեստինցի միանձնուհիներին։ Նրանք Կաթոլիկ եկեղեցու առաջին արաբախոս սրբերն են։

Ինչպես հաղորդում է The Guardian-ը, սրբադասման արարոությունը տեղի է ունեցել Սուրբ Պետրոսի հրապարակում, որին ներկա են եղել 2 հազար ուխտավորներ։ Նրանց շատերի ձեռքին եղել են Պաղեստինի դրոշներ։ Սրբադասման արարողությանը ներկա է եղել Պաղեստինի ինքնավարության ղեկավար Մահմուդ Աբասը։

Այս արարողությամբ, ըստ էության, Հռոմի Պապն իր աջակցությունն է հայտնել Իսրայելի հետ հակամարտության լուծմանը՝ երկու պետությունների (Պաղեստին եւ Իսրայել) ճանաչման ճանապարհով։

Սրբերի շարքին են դասվել Մարիամ Բաուարդին եւ Մարի Ալֆոնսին Գատասը։ Նրանք Պաղեստինում են ապրել օսմանյան կառավարման ժամանակաշրջանում։ Երկուսն էլ ապրել են աղքատության մեջ եւ հրաշքներ արարել։

Ավելի վաղ NEWS.am-ը հայտնել էր, որ Հռոմի Պապ Ֆրանցիսկոսը Վատիկանում 20 րոպեանոց հանդիպում է ունեցել Պաղեստինի առաջնորդ Մահմուդ Աբասի հետ եւ նրան անվանել «խաղաղության հրեշտակ»։ Պոնտիֆիկն Աբասին մեդալ է նվիրել, որը, նրա խոսքով, խորհրդանշում է խաղաղության հրեշտակին։