2015թ. մայիսի 17-ին Լոռու, Սյունիքի եւ Տավուշի մարզերի թվով 22 համայնքներում կայացած տեղական հանրաքվեների քվեարկության արդյունքների վերահաշվարկի կամ քվեարկության արդյունքներն անվավեր ճանաչելու մասին դիմումներ համապատասխան ընտրատարածքային հանձնաժողով կարող էին ներկայացվել մայիսի 18-ին` մինչեւ ժամը 18:00-ն:

ԿԸՀ մամուլի ծառայությունից հայտնում են, թե սահմանված ժամկետում վերահաշվարկի եւ քվեարկության արդյունքներն անվավեր ճանաչելու դիմումներ հանձնաժողովները չեն ստացել, տեղամասային հանձնաժողովների գրանցամատյաններում առկա չեն քվեարկության կարգի խախտման վերաբերյալ գրառումներ, տեղական հանրաքվեի  տեղամասային հանձնաժողովի որեւէ անդամ չի կատարել գրառում` հատուկ կարծիք ունենալու մասին: