ԱՄՆ մամուլի ազգային ակումբը հայտարարել է Ադրբեջանում ձերբակալված լրագրող Խադիջա Իսմայլովային պարգեւատրելու մասին։ Ինչպես հաղորդում է Turan-ը՝ PRNewswire-ի հղումով, 2014թ. ձերբակալված Իսմայլովան Ադրբեջանում բանտարկված 9 լրագրողներից մեկն է։
«Մենք հույս ունենք, որ աշխարհը, հետեւելով Եվրոպական խաղերին, կհիշի Ադրբեջանում բանտարկված լրագրողների մասին»,- հայտարարել է ԱՄՆ մամուլի ազգային ակումբի ղեկավար Ջոն Հյուզը։
ԱՄՆ ԱՄՆ մամուլի ազգային ակումբը ամեն տարի պարգեւատրում է աշխարհում ազատ մամուլի արժեքների համար պայքարող լրագրողներին։ Պարգեւների հանձնման արարողությունը կկայանա հուլիսի 29-ին Վաշինգթոնում։
Ակումբը հիմնադրվել է 1908թ. ԱՄՆ-ում։