Իտալական հիասքանչ դղյակը, որը ժամանակին պատկանել է Հռոմի Պապին, 4.9 մլն եվրոյով հանվել է աճուրդի:
700-ամյա Castello di Tavoleto-ն ժամանակին եղել է Պապերի ապաստանը, իսկ 1960 թվականին այն ձեռք բերած մասնավոր անձը կառույցին ժամանակակից կերպար է տվել:
Չնայած տպավորիչ արժեքին, կենտրոնական Իտալիայում գտնվող դղյակը կես միլիոնով ավելի էժան է, քան, ասենք, Լոնդոնում վաճառվող միջին վիճակագրական առանձնատունը:
Ըստ Euromag-ի, 1885-1891 թվականներին իրականացված վերականգնման աշխատանքներից հետո դղյակը երեք անգամ մեծացել է: Դրա տարածքում պահպանվել են մարտական վեց աշտարակներ, հին հողմաղաց եւ XIX դարի անգլիական այգիների ոճով զբոսայգի: