Ֆրանսիացի պատգամավոր, Փարիզի 16-րդ շրջանի քաղաքապետ Կլոդ Գոասգենը կոչ է արել մայիսի 20-ին շրջանի քաղաքապետարանի շենքի առջեւ ցույցի դուրս գալ՝ ի աջակցություն արեւելյան քրիստոնյաների: Այս մասին գրում է «Nouvelles d'Arménie» պարբերականը:
Բացի այդ, Փարիզի 16-րդ շրջանի քաղաքապետարանը հունիսի 5-ին Հայոց ցեղասպանության թեմայով համաժողով է նախաձեռնել, որին մասնակցելու են նաեւ պատմաբան Կլոդ Մութաֆյանը եւ Ֆրանսիայում Հայաստանի դեսպան Վիգեն Չիթեչյանը:
Համաժողովը կազմակերպվում է փոխքաղաքապետ Սամիա Բադաթ-Քարամի եւ Հ.Բ.Ը.Մ. Ֆրանսիայի մասնաճյուղի նախագահ Ֆիլիպ Փանոսյանի հետ համատեղ:
