Իտալական Alfa Romeo ավտոարտադրողի առաջին ամենագնացը փորձարկման ժամանակ հայտնվել է տեսախցիկների ուշադրության կենտրոնում: Այս մասին գրում է Tvoe-Avto.ru-ն:

Իտալական ապրանքանիշի ստեղծած մոդելի նախատիպը փորձարկման ժամանակ թաքնված է եղել Fiat 500L-ի թափքում: Նորույթի հիմքում Giorgio հարթակն է լինելու, որն ընկերության սեփական մշակումն է: Առայժմ հայտնի չէ, թե ինչ անուն կունենա մոդելը: Ամենագնացի աշխատանքային անվանումը Project 949 է:

Եվրոպական շուկայում մոդելը կհայտնվի 2016 թվականի վերջին, իսկ գլխավոր մրցակիցներն այդ սեգմենտում կդառնան BMW-ն, Mercedes-Benz-ը եւ Jaguar-ը:

Նոր ավտոմեքենայի առաջխաղացման հիմնական շուկաները կլինեն Չինաստանն ու Հյուսիսային Ամերիկան: