Հայաստանի Ազգային ժողովն առաջին ընթերցմամբ ընդունել է ֆիզիկական անձանց դեպոզիտների ապահովագրման շեմի բարձրացման մասին օրինագիծը: Այն ընդունվել է 108 ձայնով:
«Ֆիզիկական անձանց բանկային ավանդների փոխհատուցման ապահովման մասին» օրենքում համապատասխան փոփոխությունները մշակել են ԲՀԿ խմբակցության պատգամավորները՝ Կառավարության մասնակցությամբ:
Օրինագիծն առաջարկում էր ֆիզիկական անձանց ազգային արժույթով եւ արտարժույթով ավանդների ապահովագրման շեմը բարձրացնել, համապատասխանաբար, 4 եւ 2 մլն դրամից: Կառավարության առաջարկով, օրինագծում ապահովագրման շեմը բարձրացրել են՝ հասցնելով 10 եւ 5 մլն դրամի (ընթացիկ փոխարժեքով՝ 20.8 եւ 10.4 հազար դոլար, համապատասխանաբար):