Արտյոմ Կարապետյանի՝ («Շեկո») սպանության համար 17 տարվա ազատազրկման դատապարտված Գյումրիի նախկին քաղաքապետ Վարդան Ղուկասյանի եղբորորդու՝ Վահե Ղուկասյանին տեղափոխել են «Արթիկ» քրեակատարողական հիմնարկ: Այս մասին NEWS.am-ի թղթակցի հետ զրույցում ՔԿՎ Հանրային կապերի բաժնից:
Մեզ հայտնեցին, որ տեղաբաշխման հանձնաժողովի որոշմամբ՝ Վահե Ղուկասյանը օրերս տեղափոխվել է «Արթիկ»:
Նշենք, որ հետագա պատիժը կրելու վայրի հարցը որոշում է տեղաբաշխման հանձնաժողովը՝ դատավճռի ուժի մեջ մտնելուց հետո՝ 20-օրյա ժամկետում:
Հիշեցնենք, որ 2013թ. ապրիլի 23-ին Գյումրիի Շիրակացի 54բ շենքի մոտից հրազենային վնասվածքներով հիվանդանոց էին տեղափոխվել «Քավոր Հարութը» եւ «Շեկոն», վերջինս հիվանդանոցում մահացել էր: Ապրիլի 24-ին ոստիկանության Գյումրիի բաժնում Գյումրիի նախկին քաղաքապետ Վարդան Ղուկասյանի եղբորորդին՝ 24-ամյա Վահե Ղուկասյանը, խոստովանել էր, որ նշված հանցագործությունը կատարել է ինքը:
Շիրակի մարզի ընդհանուր իրավասության առաջին ատյանի դատարանը Վահե Ղուկասյանին դատապարտել է 17 տարվա ազատազրկման, փաստաբանը վճիռը բողոքարկել է Վերաքննիչ քրեական դատարանում, որն այն անփոփոխ է թողել: Վճռաբեկը բողոքը վարույթ չի ընդունել, նրանք պատրաստվում են դիմել ՄԻԵԴ: