Ղրղըզստանի կառավարությունը հակաճգնաժամային ծրագիր է մշակել Եվրասիական տնտեսական միությանը անդամակցելու դեպքում երկրի տնտեսության վրա բացասական հետեւանքները չեզոքացնելու համար։ Այս մասին մայիսի 20-ին հայտարարել է Ղրղըզստանի էկոնոմիկայի նախարար Օլեգ Պանկրատովը, գրում է ՏԱՍՍ-ը։
«Հակաճգնաժամային ծրագրերի հետ մեկտեղ ստեղծվել է օպերատիվ շտաբ։ Այն աշխատելու է շուրջօրյա, լուծելու համար այն խնդիրները, որոնք առաջ կգան ԵՏՄ-ին միանալուց հետո»,- նշել է նախարարը։
Պանկրատովը հավելել է, որ ԵՏՄ անդամների հետ Ղրղըզստանի սահմանները կբացվեն միայն այն բանից հետո, երբ միության անդամ մյուս խորհրդարանները կվավերացնեն պայմանագիրը։
