Ասիայի մի շարք երկրներում, այդ թվում՝ Հայաստանում, եկամուտների անհավասարությունը զգալիորեն կրճատվել է: Այս մասին գրում է «Bloomberg»-ը՝ վկայակոչելով ՄԱԿ-ի տնտեսական սոցիական հարցերի հանձնաժողովի՝ Ասիային եւ Խաղաղ օվկիանոսին վերաբերող զեկույցը:
Պարբերականը նշում է, որ ամբողջ աշխարհում հարուստների եւ աղքատների միջեւ բաժանումն աճում է, սակայն Ասիա-Խաղաղօվկիանոսյան տարածաշրջանում կան մի քանի երկրներ, որտեղ այն կրճատվել է: Ամբողջ տարածաշրջանում Ջինիի գործակիցը՝ բնակչության թվաքականի միջին ցուցանիշը, 1990 եւ 2014 թվականների միջեւ 33.5-ից հասել է 37.5-ի, իսկ եկամուտների անհավասարությունը հատկապես արտահայտված է զարգացող խոշորագույն երկրներում, այդ թվում՝ Չինաստանում, Հնդկաստանում եւ Ինդոնեզիայում:
Միաժամանակ, նշված ժամանակահատվածում վերին 20 եւ ներքին 20 տոկոսի միջեւ եկամուտների բաշխումը բարելավվել է մի շարք երկրներում, այդ թվում՝ Ադրբեջանում, Կամբոջայում եւ Թայլանդում: Անհավասարության զգալի կրճատում է արձանագրվել Հյուսիսային եւ Կենտրոնական Ասիայում, այդ թվում՝ Հայաստանում, Ղրղըզստանում, Ռուսաստանում եւ Ուզբեկստանում:
