Ադրբեջանի նախագահ Իլհամ Ալիեւը չի կարող մասնակցել մայիսի 21-22-ը Ռիգայում կայանալիք «Արեւելյան գործընկերության» գագաթնաժողովին։ Այս մասին մայիսի 20-ին հայտնում է azertag-ը՝ վկայակոչելով նախագահի օգնական Ալի Հասանովին։ «Մինչեւ Եվրոպական խաղերի մեկնարկը քիչ ժամանակ է մնացել։ Եվ քանի որ այս պահին վերջին եզրափակիչ աշխատանքներն են ընթանում, Ադրբեջանի նախագահի գրաֆիկը շատ ծանրաբեռնված է։ Այդ պատճառով երկրի ղեկավարը չի կարող մասնակցել գագաթնաժողովին»,- ասել է Հասանովը։
Գագաթնաժողովին կմասնակցեն Ադրբեջանի նախագահի աշխատակազմի ղեկավարի տեղակալ Նովրուզ Մամեդովը եւ արտգործնախարար Էլմար Մամեդյարովը։