Թող ոչ մեկին չթվա, թե կարող է ինքնահաստատվել Գագիկ Ծառուկյանի հաշվին։ Այդ մասին խորհրդարանում հայտարարել է «Բարգավաճ Հայաստան» խմբակցության պատգամավոր Վահե Էնֆիաջյանը։
Նա կոչ է արել գործընկերներին այլեւս քննարկումներ չանել գագիկ Ծառուկյանի անձի վերաբերյալ խորհրդարանի ամբիոնից։ ««Խնդրում եմ զուր տեղը նրա բարի անունը չշահարկել՝ այդկերպ քաղաքական դիվիդենտներ շահելով։ Խորհուրդ չեմ տա որեւէ մեկին ինքնահաստատվել Ծառուկյանի հաշվին»,- ասել է Էնֆիաջյանը։
Հիշեցնենք, որ մարտի 5-ին Գագիկ Ծառուկյանը հրաժարական էր տվել կուսակցության նախագահի եւ ԲՀԿ խմբակցության ղեկավարի պաշտոններից, դրանից հետո մի շարք պատգամավորներ լքեցին կուսակցությունը։