Ոստիկանության Գորիսի բաժինն այսօր՝ մայիսի 20-ին, ժամը 18։15-ին, անհայտ անձից ահազանգ է ստացվել, որ Գորիսի վարչական տարածքում հնչել են կրակոցներ։ Այդ մասին NEWS.am-ին հայտնեցին ոստիկանության լրատվական ծառայությունից։
Այժմ դեպքի վայրում են ոստիկանության աշխատակիցները. հանգամանքները ճշտվում են։
Ինչպես ավելի վաղ հայտնել էր NEWS.am-ը, Կապան-Գորիս ճանապարհին կրակել են Սյունիքի մարզպետ Սուրիկ Խաչատրյանի մեքենայի ուղղությամբ։ NEWS.am-ի տեղեկությունը հաստատել էր Սյունիքի մարզպետի խորհրդական Զարզանդ Նիկողոսյանը, որը նշել էր, թե կրակել են մարզպետի մեքենայի ուղղությամբ, տուժողներ չկան, որեւէ մեկը վնասվածք չի ստացել։
Նշենք, որ ըստ մեր նախնական տեղեկությունների, Սյունիքի մարզպետի մեքենայի ուղղությամբ կրակոցների հետեւանքով, կա վիրավոր։
