2015թ. Հայաստանի ՀՆԱ-ն կաճի առնվազն 1 տոկոսով կամ հավանաբար դրանից էլ ավել։ Այս մասին մայիսի 21-ին Կառավարության նիստում  հայտարարեց վարչապետ Հովիկ Աբրահամյանը։

Նրա խոսքով՝ իրատեսական է նաեւ 2.2 եւ 2.3 տոկոս աճը։  Այդ պատճառով էլ, ըստ նրա, խոսակցություններն այն մասին, թե ոչ մի աճ չի լինի, եւ ընդհակառակը՝ անկում է լինելու, պարապ խոսակցություններ են, եւ դրանք պետք է դադարեն։

«Ես հասկանում եմ, որ որոշ քաղաքական ուժեր ցանկանում են, որ Կառավարության ծրագրերը տապալվեն։ Սակայն նրանց ցանկությունը չի կատարվի։ Եվ տարվա վերջին մենք առնվազն 1 տոկոս աճ ենք ունենալու կամ հավանաբար եւ դրանից ավել։ Մենք անպայման կփորձենք հասնել 2015թ. պետբյուջեում գրանցված 4.1 տոկոս նիշին»,- ասաց վարչապետը։