Հայաստանի Չինաստանի դեսպանատունը կեղծ է անվանել համացանցում տարածված տեղեկությունները, թե չինական կողմը մտադիր է դիմել ՄԱԿ-ին Լեռնային Ղարաբաղի ճանաչման հարցով։ «Դա կեղծ տեղեկատվություն է, այն չի համապատասխանում իրականությանը»,- NEWS.am-ին հայտնել է ՀՀ-ում Չինաստանի դեսպանատան խորհրդական Լո Շիսյունը (Luo Shixiong)։
Ապատեղեկատվության սկզբնաղբյուրը Twitter-ի կեղծ հաշիվն էր (Li Keqian(g) @China_Prime), որը, չնայած իր անհեթեթությանը, տարածվել էր մի շարք լրատվամիջոցների, առաջին հերթին ռուսական LifeNews-ի եւ ադրբեջանական կայքերի կողմից։ Ադրբեջանի արտգործնախարարությունն այնքան էր «առաջադիմել», որ հանձնարարել էր Չինաստանում Ադրբեջանի դեսպանատանը «տեղեկացնել Ադրբեջանի եւ Չինաստանի դեմ սադրանքի մասին»։
Նշենք, որ մի քանի րոպե է հարկավոր՝ պարզելու այդ հաշվի կեղծ լինելու փաստը, բայց Ադրբեջանի ԱԳՆ-ի համար դա ուժերից վեր գործ էր եղել։