Հայաստանի գլխավոր դատախազությունը ձգտում է էլեկտրոնային փաստաթղթաշրջանառության ընդհանուր համակարգ ստեղծել Քննչական կոմիտեի հետ։ Այդ մասին խորհրդարանում հայտարարել է գլխավոր դատախազ Գեւորգ Կոստանյանը։
Այժմ, երբ գլխավոր դատախազությունն ու քննչական կոմիտեն առանձին են, նրանց միջեւ ըստ էության աճել է փաստաթղթաշրջանառությունը։ Դա, սակայն չի չեղարկում տարանջատման մյուս գործոնները եւ ի կարող տարանջատման անարդյունավետության վճռորոշ փաստարկ լինել, ասել է Կոստանյանը։
Տեխնիկական խոչընդոտը վերացնելու համար դատախազությունը բանակցություններ է վարում Համաշխարհային բանկի հետ՝ էլեկտրոնային փաստաթղթաշրջանառության համակարգի ֆինանսավորման համար։ Այդ դեպքում դատախազը կարող է միանգամից տեսնել փաստաթղթերը, որոնք քննիչը համակարգ է մտցնում։ «Աշխատանքի արդյունավետությունն ու արագությունը զգալիորեն կավելանա»,- ասել է Կոստանյանը։