Մայիսի 21-ին Ռիգայում մեկնարկել է Եվրոպական ժողովրդական կուսակցության (ԵԺԿ) գագաթաժողովը: Այս մասին ասված է Twitter-ում ԵԺԿ-ի պաշտոնական էջում:
ԵԺԿ անդամ կուսակցությունների ղեկավարների հանդիպմանը նախագահում է կուսակցության ղեկավար Ժոզեֆ Դոլը: Գագաթաժողովին մասնակցում են նաեւ Գերմանիայի կանցլեր Անգելա Մերկելը, Եվրոպայի Խորհրդի նախագահ Դոնալդ Տուսկը, Եվրահանձնաժողովի նախագահ Ժան-Կլոդ Յունկերը, ԵՄ արտաքին հարաբերությունների եւ անվտանգության քաղաքականության գերագույն հանձնակատար Ֆեդերիկա Մոգերինին, ԵՄ եվրոպական հարեւանության քաղաքականության եւ ընդլայնման հարցերի հանձնակատար Յոհաննես Հանը, Ուկրաինայի նախագահ Պյոտր Պորոշենկոն, Մոլդովայի վարչապետ Կիրիլ Գաբուրիչը, Վրաստանի նախկին նախագահ Միխայիլ Սահակաշվիլին:
Նշենք, որ ԵԺԿ գագաթաժողովին ելույթ է ունեցել նաեւ Հայաստանի նախագահ, ՀՀԿ ղեկավար Սերժ Սարգսյանը: Հայաստանի Հանրապետական կուսակցությունը ԵԺԿ անդամ է:
