ԱՄՆ-ում ձերբակալվել է ուսուցիչը, որը աշակերտներին դասասենյակ էր տրամադրում՝ սեքսով զբաղվելու համար, հայտնում է CNN-ը:
Երեխաներից մեկի մայրը 14-ամյա իր որդու հեռախոսում գտել է ուսուցչի եւ աշակերտի SMS-զրույցը: Կնոջ խոսքով՝ ուսուցիչը թույլ էր տվել նրան օգտվել դպրոցի պահեստի սենյակներից ժամը 7.30-ից մինչեւ 8.30: Կինը պնդում է, որ ուսուցիչը նաեւ ճշտել է դպրոցականից, տեղյակ է արդյոք այն աղջիկը, որին նա պատրաստվում է բերել, «ինչ է տեղի ունենալու», հայտնում է Gazeta-ն:
Դպրոցի տնօրենի խոսքով՝ ուսուցիչն արդեն ազատվել է աշխատանքից: 25-ամյա Քուինթոն Ռայթը Ջորջիա նահանգի Ստոուն Մանտին բնակավայրի դպրոցում դասավանդել է մաթեմատիկա, ինչպես նաեւ մարզել է դպրոցի բասկետբոլային թիմը: