Վրաստանը կարող է Եվրամիությունից անվիզա ռեժիմ ստանալ 2016թ, եթե կատարի անհրաժեշտ պայմանները։ Այս մասին Ռիգայում «Արեւելյան գործընկերության» գագաթնաժողովի 2 –րդ օվա մեկնարկից առաջ հայտարարել է Ֆինլանդիայի վարչապետ Ալեքսանդր Ստուբը։
«Եթե բոլոր պայմանները կատարվեն, անխոս մենք առաջ կշարժվենք այդ ուղղությամբ»,- ասել է Ստուբը, փոխանցում է «ՌԻԱ Նովոստի»-ն։
Հիշեցնենք, որ Ռիգայում մայիսի 21-22-ը ընթանում է «Արեւելյան գործընկերության» գագաթնաժողովը։
Նշենք, որ Եվրահանձնաժողովը ներկայացրել էր Կիեւի եւ Թբիլիսիի կողմից վիզային ռեժիմի ազատականացման պլանի պահանջները։ Հանձնաժողովի կարծիքով՝ Վրաստանն ու Ուկրաինան որոշակի առաջընթաց են գրանցել, սակայն նրանք դեռեւս շատ անելիք ունեն անվիզա ռեժիմ ստանալու ճանապարհին։ Նշենք, որ Եվրահանձնաժողովը հայտնել էր, որ Ռիգայում Վրաստանի եւ Ուկրաինայի համար վիզային ռեժիմի չեղարկման առաջարկ չի արվելու։
