Անգամ ԵՏՄ անդամ դառնալուց հետո Հայաստանը պետք է պահպանի իր հարաբերությունները Եվրամիության հետ եւ շարունակի մասնակցել «Արեւելյան գործընկերության» քաղաքանակությանը։ Այս մասին մայիսի 22-ին խորհրդարանական ճեպազրույցների ժամանակ հայտարարեց ԱԺ «Ժառանգություն» խմբակցության ղեկավար Ռուբեն Հակոբյանը՝ մեկնաբանելով Ռիգայի գագաթնաժողովը։
«Հայաստանը երկար ժամանակ քայլում էր Եվրոպայի հետ ասոցացվելու ճանապարհով։ Մենք կիսում ենք եվրոպական արժեքները եւ դրանց աջակցելը կարեւոր ենք համարում Հայաստանի համար։ Այդ պատճառով այսպես թե այնպես Հայաստանը, անգամ լինելով ԵՏՄ անդամ, պետք է ԵՄ-ի հետ բեղուն համագործակցությունը շարունակելու միջոց գտնի»,- նշեց Հակոբյանը։